Curriculuma

Zer da curriculuma?

Hezkuntzan, curriculuma ikaskuntza-prozesu bat osatzen duten helburu, gaitasun, metodo eta ebaluazioen multzoa da.

Hezkuntza-proiektua dela kontuan hartuz, curriculuma hezkuntzaren antolaketaren funtsa da eta, beraz, kontzeptu konplexua da, besteak beste, gizartearekiko loturak, pedagogia-sistemaren ezaugarriak eta hezkuntzaren praktika eta bilakaera bera islatzen dituena.

Batzuen iritziz, curriculuma hezkuntza-prozesua guztiz zehaztu egiten duen agiria da (zer, nola eta noiz irakatsi eta ebaluatu); beste batzuen iritziz eta modu orokorrago batez, curriculuma eskolak eskaintzen dituen ikaskuntza-esperientzia guztien multzoa da, agiri batean zehaztuta ez badaude ere, curriculum ezkutu bat osatuz.

Curriculum motak

Curriculuma irekia edo itxia izan daiteke.

• Curriculum irekiak helburu orokorrak bakarrik plantetatzen ditu eta ikaskuntzaren uniformetasunari uko eginez, hezkuntza-egoera bakoitzean egokitzen da, ikasketa-prozesuaren emaitzei begiratuz batik bat eta ebaluazio jarraitubati jarraiki.                                                       
• Curriculum itxiak, berriz, aurrez ezarritako helburu, edukin eta bitartekoak biltzen ditu, modu homogeneo batez eta programa zehatz eta aldaezin bati jarraiki.

Curriculumaren elementuak

• Konpetentziak: Testuinguru bakoitzera egokituta dauden jakintzen, trebetasunen, jarreren eta balioen elkarrekintza da. Konpetentzien bidez, pertsonaren errealizazioa eta garapena, herritartasun aktiboa eta gizarte-integrazioa lortu nahi da.

• Helburuak: Umeengan lortu edo garatu nahi ditugun ahalmenak edo gaitasunak dira.     
• Edukiak: Gizarte talde baten kulturatik irakasteko aukeratu diren elementuak.                 
• Metodologia: Irakaskuntza prozesuan irakasleak erabiltzen dituen metodoak edo printzipioen multzoa. Irakaste jarduerak metodologiaren barruan ematen dira eta sailkapen ugari daude.                                                                                                       
• Ebaluazioa: Egin eta lortu denari buruzko informazioa jasotzea, analizatzea eta kalifikatzea dauka helburu bezala. Ebaluazio-sistema bat diseinatzeko galdera hauek erantzun behar ditugu: zer, nola, noiz eta zertarako ebaluatu.

Curriculumaren oinarriak 

• Gizartea: Gizartearen beharrak, eskariak eta ahalbideak jakitea. (Oinarri soziologikoa)

• Ikasleak eta ikasle taldeak: Haien ezaugarrietara integratu eta ikasleen egoera psikologikoa aztertzea. Haien metodoak, gaitasunak, interesak… kontuan hartzea. (Oinarri psikologikoa)

• Irakatsi nahi/behar duguna: Zer irakatsi nahi den eta nola irakatsi nahi den aztertzen da, hau da, umeentzat egokiak diren metodoak aukeratzea da bere xede nagusia. (Oinarri epistemologikoa)

• Irakaskuntza, hezkuntza, horiei buruzko teoriak eta esperientziak: Irakaskuntza eta hezkuntza aztertzen dituzten diziplinak aztertzen du. (Oinarri pedagogikoa)